Sos eventos in sa coa de chida in s’ìsula

Su Gazetinu, chenàbura 31 de trìulas de su 2026

Sos eventos in sa coa de chida in s’ìsula – Dae nord a sud de s’Ìsula, nd’est imbatende una coa de chida prena de eventos.

In Codronzanu finas a domìniga b’est su fèstival de literadura giornalìstica Liquida, in su tretu a curtzu a sa basìlica de Saccàrgia. In Arbatax finas a cras in sa Caletta de sos Genovesos sighit Cal’a Cinema, sa rassigna tzinematogràfica de s’assòtziu Musikasurda dirìgidu dae Marcello Murru, chi trasformat su portigheddu in una sala suta de su chelu e a cara a mare.

In Nora est protagonista sa mùsica, cun su Nora Jazz Festival “Women in Jazz”. In su palcu de su situ archeològicu cras sero b’at a èssere Morgan James, artista americana de boghe forte e elegante.

In Biddanoa Monteleone oe comintzat “Chenamos in Carrela” cun mùsica, folklore, literadura e arte. Semper custu sero b’est sa de 7 editziones de Inistrada in su tzentru istòricu de Gùspini.

In su Sulcis torrat sa traditzione de su coju a moda maurreddina de Santadi: tres dies de festa, e domìniga sa de 58 editziones de “Sa Coja Murreddina”

In Mragaxori mùsica e sabores cun “Monte Arci in Festa” e sa de 30 editziones de sas Lorighitas, e in prus sos cuntzertos de Benji e Fede e de Matia Bazar. In Narabuia torrat “Saboris Antigus”, cun sos màndigos de sa traditzione locale.

In Aristanis su tzentru istòricu òspitat sa de 4 editziones de su Fèstival Internatzionale de su Floklore “Città di Oristano”, domìniga e lunis in pratza Lionora. Sighit su calendàriu de “Luci d’Estate”: domìniga in pratza de crèsia majore su cuntzertu de Cory Henry & The Funk Apostles per Dromos Festival.

Custu sero in Turre Manna su tzìnema faeddat de isport cun sa projetzione de su documentàriu “La Casa di Power of Sport”, e in Unla b’est su film “Lumina” chi serrat sa rassigna de istiu “Il Giardino del Centro”.

In ùrtimu, campu lìberu a sos eventos de sa Fondazione Mont’e Prama: cras sero in s’àrea archeològica de Tharros b’est Riccardo Cocciante, e domìniga at a tocare a su grupu I Nomadi.

Gianfranca Piras

Faina fata cun s’agiudu de sa Regione Sardigna – IMPRENTAS 2025-2026 – L.R. 22/2018, art. 22.

©Riproduzione riservata